قصيدة لشاب فقير بيخطب بنت عمه المليونير .. حلووة (القصيدة) .. !!

قصيدة لشاب فقير بيخطب بنت عمه المليونير .. حلووة (القصيدة)

قصيده رهيبه

سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة <<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه

هههههههههههههههههههههههههههههههههههههه

أتمنى أن تنال إعجابكم

هههههههههههههه
روووعة أخوي سعد
و الله بيعنسون بنات العالم كله لو أبوهم مثل هالعم

هههه
مشكور

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

ههههههههههههههههههههههههه طيب بيعطي الابو والام ماختلفنا حق الربايا وهالعلوم ام القهر اخواتها واخوانها حق ايش يعطيهم والله لو عنده بنك ماعطاه هالفلوس لو بنته لها ست عيون وستين ررجل >>> كنايه عن التميز مادفع هالمبلغ كله عجبتني البيتين الاخيره حلال في العم
يسلموووو ياسعد مبدع مبدع في اختياراتك وتميزك

ههههههههه~~~~~~~~~~
لأتكون عوراء مشكور سعد

هههههههههههههههههههههه lol!

(بتوع الملاييـن)... وت إز ذس <<< الأخ مصري ولا سعودي why

(واحجز بهـا رقاصتيـن وربابـه) ... يعني وشلون تجتمع بيهزون على الربابه مثلا<<< لايكثر يابت

على العموم يالغلا قصيدة رائعه

تقبل مروري ولاتحرمنا من ذوقك الفكاهي .....

الهايم كتب:: هههههههههههههه
روووعة أخوي سعد
و الله بيعنسون بنات العالم كله لو أبوهم مثل هالعم

هههههههههههههههههه ... من جد ...

تسلم يالهايم ...

جود الشريف كتب:: الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

ههههههههههههههههههههههههه طيب بيعطي الابو والام ماختلفنا حق الربابا وهالعلوم ام القهر اخواتها واخوانها حق ايش يعطيهم والله لو عنده بنك ماعطاه هالفلوس لو بنته لها ست عيون وستين ررجل >>> كنايه عن التميز مادفع هالمبلغ كله عجبتني البيتين الاخيره حلال في العم
يسلموووو ياسعد مبدع مبدع في اختياراتك وتميزك

هههههههههههههه ,,, ست عيون و ستين رجل قوووويه ..
إلا قولي أن شاء الله تطلع حلوووه أهم شي مو أدفع بعدين أتورط معاها... lol!

تسلميلي يا جووود ""

مكه ديرتي والشريف قبيلتي كتب:: ههههههههه~~~~~~~~~~
لأتكون عوراء مشكور سعد

,,,, ههههههههههههههه ,,,,

تسلملي مكة ديرتي ...

البندري (خذ مابدى لكـ ... كتب:: هههههههههههههههههههههه

(بتوع الملاييـن)... وت إز ذس <<< الأخ مصري ولا سعودي

(واحجز بهـا رقاصتيـن وربابـه) ... يعني وشلون تجتمع بيهزون على الربابه مثلا<<< لايكثر يابت

على العموم يالغلا قصيدة رائعه

تقبل مروري ولاتحرمنا من ذوقك الفكاهي .....

تسلمي يالبندري //

أعضاء المنتدى ,, حبايبي حبيت أشووف ردودكم على هذه القصيدة ..

هذا مقطع للفنان علي بن محمد .. بتوووووع الملايين ..

المقـــطع ,,, جنان

» القصيدة التي هزت قلوب الناس (ام حمدان) نص وفيديو
» رد على قصيدة الهايم
» القصيدة التي كتبها نزار قباني في حافظ الأسد..
» هذي قصيده لشاب رثى نفسه وبعد يومين من كتابة القصيده توفي قصيده جدا مؤثره
» قصيدة (( غير مجد )) ..............