قصيدة عايض بن وقدان

اللي يقدرني على الراس والعين ==== والي يحقرني يستحق احتقاره

اتعب على كسب الرجال المسمين === والحر قالو يفتهم بالإشـــــــاره

رجال لي عقلي وعدل الموازين ==== ومشي يمين الدرب واترك يساره

مالد عيني في الخبول المجانين ==== عيبٍ على الرجال يفقد وقـــــاره

واللي تجاهلني وانا خيك ياحسين=== خله على دربه وقربه خســــاره

لا تحسبني بتبعك يا المسيكيــين ===منته من اهل الطيب واهل النعاره

مانقصت قدري هروج الضعيفين=== لكن على ماقيل هذي عـــــبــاره

مايجحد المعروف غير الخسيسين== ومالي ورى طرد المقفي تجاره

وان عودت فانا حفيد السلاطين === ترتيبهم من غير شك الـصــداره

حنا هل الطولات سقم المعادين === حنا عذاب القوم سم الــمـــراره

ذباحت الشيخان يوم الاكاوين === مخضبين السيف في كل غـــاره

بفعالنا تشهد جميع المياديـــن === وبفعالنا نرقا بروس الـــمــناره

عجمان ربعي والقايع براهين === اسم(ن) تعلا فوق حق وجداره

واللي تجاهلني واناخيك يحسين===خله على دربه وقربه خساره