آمُآنِـﮧۦ يَ بَعُدْ رْوحِيَ آ‎

هلا بك يا بعد عمري ياقلبي انت ياالغالي
............تهلي بعيون الحب من اخر لياليها

تقول ارجوك لاتهتم انا في احسن احوالي
...............تبتسم لي وهي تمسح دموع العين بيديها

تقول الدنيا وش تسوى اذا ماشفتك اقبالي
................ أبيع الكون لعيونك لجل لحظه معي فيها

تموت من الالم لكن تبي ماينشغل بــالي
................ألا يا ناس يا عالم وربي من يساويــــها

وهلت دمعة عيوني بعد ماضاق بي حالي
............سجدتْ أدعي بدون شعور ألا يارب تشفيها

وقالت لويشيلوني وعنك شدوا ارحالي
..............أمانة يا بعد روحي أبي روحك أوصيـها

أبيك أجمل من الأول أبي كل ماتهيالي
...........بعد موتي أشوفك مهتني روحي تهنيها

ألا ياطـــيبة الدنيا .. ألا شـمسي وظــلالــي
.........نهاية روحي من قبلك عسى ربي يبديها

وشالوها بسرير أبيض وزاد الهم غربالي
.............وضاقت فيني الدنيا وأنا نفسي امنيها

وراحت تنتظر رجعة ودمع العين همالي
..............ألا لو العمر يعطى قسم بالله لاعطيها

وطاحت وردة من كفي وأنا ماشي على فالي
............لقيت الشال في يدي يضمه قلب مغليها

جلست اراقب الساعه واانا ادعي ربي الوالي
.............عسى ياربي يارحمن ياقادر تنجيـــــها

أنا من لي بهالدنيا واعيش وشلون بحالي
...............بعدها ماابي نفسي وحتى الناس مابيها

قسم بالله لو موتي يجيني قبلها اشــــوا لي
..............ولا أبي تبعد و تـــرحل وأنامــااقدر اوفيها

وجوا لي أربع أطباء وقلبي مشتعل صالي
............أمانه هاه قــولوا لي أمــــانه وش حصل فيها

وقالوا....

وقالوا البقاء براسك وصاب الارض زلزالي
...........تزلزل كل مافيني بكت نفسي وامانيها

ولكني بهالدنيا صرخت بصوتي العالي
........... ألا يامصعب الفرقى وروحي من يواسيها

عسى الرحمن يرحمها ويغفر أول وتالي
..............وعسى ياربي بالجنه بعد موتي الاقيها

يالله يالصعب اختياراااتك وذوقك الشعري واسلوبك الراقي وطرحك المميز تجعل منك منبع شعري نستقي منها اعذب الاشعار والقصااائد كتبت فابدعت نقلت فتميزت بجد قصيده جدا جدا جدا رااااائعه سلمت يداك على الطرح الراقي

ولكني بهالدنيا صرخت بصوتي العالي
........... ألا يامصعب الفرقى وروحي من يواسيها

وربي ذووووووووووووووووق

يعطيكم العافيه جود وغالية الاثمان شرفني مررررركم

وكلماتكما الأروع من ذلك

تقول الدنيا وش تسوى اذا ماشفتك اقبالي
................ أبيع الكون لعيونك لجل لحظه معي فيها
ذذوووووووووووووووووووووووووووووووووووق
مشكور

شرفني مرووورك وردك غلاي