البارحة في تالي الليل محتار [ آنشودة البارحه ]~

القصيدة تحكي قصة شاب ذاق الأمرّين !




حينما توفيت أمه .. و تزوج والده بعد فترة بإمرأة

أخرى تسقيه العذاب مرةً تلو المرة؟؟


أترككم لتعيشوا مأساته !!


كلمات الشاعر :أ عبدالرحمن بن صالح العامر


فكرة:

بسام بن عبدالعزيز البحر



البارحة في تالي الليل محتار
مدري وش أخذ من علوم وأخلي


من كثر همي دمعتي كنها أنهار
بـأسباب فقد أمي دموعي تهلي


تزوج الوالد وهو مكرم الجار
زوجه جديده قلت ذا منوة لي


لكن علينا ياعــــرب ضاقت الدار
قامت تعاملنا بحقد وغلي


تعذيبها ياربعنا سر وجهار
عجزت أبوصف عذاب حصلي


بأسبابها ياأصحابنا ذقنا الأمرار
الهم لازمني كما وسطظلي


يــا خالتي خاقي ترى فيه قهار
يجازي اللي في حياته يزلي


يـاخالتي وش ذنبنا تونا صغـــار
وشلون تعذبيك علينا يحلي


الظــلم شين ماتسويه الأبرار
راعـيه ضـــايع دايـم مايـدلي


ضربك بعد لأختي تسبب بالأضرار
من جلسه بالبيت صارت تملي


جتني تصيح ودمعها مثل الأمطار
تشكي تحسب إن الزمن صافي لي


مافي يدي حيله ياليت الزمن دار
بس اصبري والله لهمك يجلي


ياخــالتي قافيك قصاف الأعمار
وحساب عالم عن صغير وجلي


يــاليت والدنا عرف كيف يختار
إن كان نجمه صار فوق متعلي