لا شفت صدرك من كثر ضيقته مــــــــــــــل ,,

لا شفت صدرك من كثر ضيقته مل
وقامت تراقص وسط راسك شياطين
جهز جوازك والشناط وتسهل
البخل ما يمدح ايدين البخيلين
وامش العصير وتبع الموتر الظل
تطلع عليك الشمس في ديره حسين
نوخ اركابك عند ناس المتبل
وطلب حميسه من مطيعم فلسطين
وعمان حطه في يسارك وكمل
بس انتبه خطك ترى يصير خطين
وان جيت درعا لا اتفيهم تبهذل
عطهم وقل انتم اجواد وكريمين
وعلى يسارك سوق في مدخله زل
لازم تمره لا تخليه بعدين
تلقى لكيف الراس شين مشكل
هذا احمر وهذا اصفر وذاك لونين
منهم تزهب بالزهاب المكمل
لا تنقطع وتصير مثل المجانين
واليا دخلت الشام لك دربن يدل
دور علي المدعوم خل الضعيفين
اضبط امورك واحلق وحطلك جل
والبس وسيده لا يسارن ولا يمين
على طريق التل تل الخطا تل
دور على جون يسر المحازين
قدامك المجمول والكاس الاشعل
وتبدى تشوف الناس حولك مساكين
ترقا سما سما سما لين توصل
يم الثريا والقمر والميازين
وعلى بلاط البست شين يهول
ضباط هتلر يوم تقسيم برلين
شقر البنات اللي زهي ايدينهن دل
طول عنق طول ارقاب روس الشياهين
هذي اتلاعب شعرها واتمايل
وهذي تناظربك وتسألك من وين
وهذي حكيها من اشفاها تسايل
ومن الغنج تحول الشين للسين
اطلبلها الرشاش لا لا تبيخل
رقصها دام العمر يومن ويومين
واحرص علي جو الخوي لا يتبدل
خله علي جوه وصيروا حبيبين
واليا سريت الصبح من طلعت التل
ما بين برزه والتجاره وتشرين
سير لم احجاجن مع الصبح منتل
وعط العجوز شوي وارض البزراين
وخل الشفايا من شفاياه تبتل
واليا حصلك زود زينن علي زين
عطه ترى كل ما عطيته تجمل
واليا طلبك الالف زود له الفين
وفي شقتك لا جيت ريح وغسل
وعقب العصير اشرب زهور البساتين
واليا سمعت الباب يطقه اعجل
اسرع ترا العاده يجنك مزايين
افتحلها البابين قله تفضل
وسكر له الدربين كاشن ماهو دين
واحرص على المجمول ابو طرفن اكحل
والدفع قبل الرفع هذي قوانين
واليا وصلت الديرتك كبر وصل
كل الخلايق بالذنوب متساوين !

قصيدة الشاعر محمد العازمي

أفيدكم بأن الشاعر لقد انفى البيت الأخير اللي يقوول فيه ,, : -

واليا وصلت الديرتك كبر وصل
كل الخلايق بالذنوب متساوين !

وعلى يسارك سوق في مدخله زل
لازم تمره لا تخليه بعدين

هذا حااااال شبابنا

واليا وصلت الديرتك كبر وصل
كل الخلايق بالذنوب متساوين !

صح لسان ناطقها وسلمت ايد كاتبها

يعطيك العافيه سعد مبدع مميز دائما

تكتب اجمل وارق الكلمات

يعطيك العافيه يالغالي

وين ابو الهش عن القصيده هذي تعال خلينا نتسهل. يسلمووو يا سعد

شوف المقطع في اليوتيوب

شقر البنات اللي زهي ايدينهن دل
طول عنق طول ارقاب روس الشياهين
هذي اتلاعب شعرها واتمايل
وهذي تناظربك وتسألك من وين
وهذي حكيها من اشفاها تسايل
ومن الغنج تحول الشين للسين
اطلبلها الرشاش لا لا تبيخل
رقصها دام العمر يومن ويومين

ههههههههههههههههههههههههههه

يسلمو غلآي(سعد) على القصيدة الجميله

طرح رآقي..

لاعدمناك ....

تقبل مروري ولاتحرمنا من تميزك وروحك الحلوه

» لا ضاق صدرك و الليالي تحدتك,,,,