ودعتك الله لو على قلبي اخطيت‎

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

الله واكبر كيف عنّي تخلّيت
من بعد ما علقت روحي البريّه

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

كل شي تخيلته ولا يوم ظنيت
إنك لحد غيري ولانتاب ليّه

ويلك من الله كيف بالحب ضحّيت
قلبك حجر ما حنّ يومٍ عليّه

اللي بنينا بْعمر في يوم هدّيت
واحلامنا ما عاد منها بقيّه

اتعد غلطاتي إذا يوم زليت
من دون مدري .. وين ذيك الحميّه

مافيه معصوم الخطا لو تحريت
ولا فيه كامل غير رب البريّه

ولو ما احبك ما نشدتك ولا اطريت
بعدك وصدك وانتخيتك نخيّه

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

لا نيب حي بعد هجرك ولا ميت
ولا ني مريض ينعرف بالشكيّه

لكني ادرى بحالتي لا ترديت
ولا ينفع الملتاع طبه وكيّه

مالي سوى الي كلما راح ناديت
يا كود يسمعني ويرجع اليه

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

مشكووور على الرائعه....

من هو بقى لي بعدما عنّي اقفيت
وقدمتني للحزن اثمن هديّه

مميز ياخوي

روعه
مشكور

اشرفني ردكم واسعدني مروركم الغالي

اشرفني ردكم واسعدني مروركم الغالي

طرح مميز ياصعب اهنيك

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

تسلم يا صعب ... واصل إبداعتك ..

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

طرح مبدع غلآي ومهما كتبت من كلمات ماراح توصف إبداعك وذائقتك الشعريه المميزه

طرحت فأبدعت ...

تقبل مروري "لاهنت"

مااروع ردودكم ومروركم الحار الذي

زادني بهجه وسرور يعطيكم العافيه يارب

» فمان لله<<لا لا لا لحظه ؟ وشلون انا ودعتك
» قلبي مين يستـــــــــــــــــــاهله........
» إهداء لمن ملك قلبي
» قلبي يترجاك
» هذا قلبي من عرفته