ركبت الموج ما أعرف قوانين الغرق والعوم !!!!!!!!!!!!

حرمني حظي العاثر امارس ابسط ادواري

خلاص الحلم ضاع ومابقى لهذي الحياة لزوم
اموت احسن واريح بالي وارضى بأقداري
أعيش ليش والحاله شقى ومن الفرح معدوم
طبيعي أستلذ الموت واتحرر من اسواري
وش احسن لدربي المجهول والا ظلمة المعلوم
اكيد الافضل اني انتهي واغادر دياري
ابي اسكن تراب الارض والقى حتفي المحتوم
بعد ماملت الدنيا من بكاي وعزف اوتاري
احس القبر متلهف يبيني وانا له معزوم
أحس ان الكفن ثوبي واحس ان الثرى داري
اوصيكم اذا مت اكتبوا عالشاهد المحروم
لأني من عرفت الصدق والحرمان مشواري
تجارب هالزمن فيني عديده والفشل بالكوم
حظوظي تمتحني والنتيجه كثرة اصفاري
مآسي مالها آاخر ومكتوب العذاب يدوم
حقيقه ماتغيرها اساليبي وانكاري
على يديني اعض من الندامه والالم واللوم
محطم كل مافيني وهذا موجز اخباري
من خيوط الوهم ابني قصراحساسي المهدوم
كأني في مهب الجرح ريشة مالها طاري
معلق في كلاليب العذاب وكاسه المسموم
تمكن في العظام وفي خلايا دمي الساري
ثعابين وعقارب والغراب الاسود المشؤوم
لودموعي تنزف دم ماأشكي وأكتم الناري
رهين الصمت والحسره وصوتي بالحشامكتوم
شعوري بالغرابه والكآبه توه افكاري
مدى الايام اتوسد دموعي وانتظر النوم
رفيق الدرب حزني ويتطور على اطواري
أنا ماأخطيت على الزمن ليه يبكيني دوم
سلاحي صفحي وطيب النوايا وتركي لثاري
احاول انتصر على الحزن وانثني مهزوم
وانا صفر اليدين وحافي الاقدام متواري
بعد هذا التعب واعلن نهاية حلمي المزعوم
حرمني حظي العاثر امارس ابسط ادواري
كأني والزمن في مشهد السجان والمظلوم
حكاية مختصرها كيف يجلد جلدي العاري
قضيه كنت فيها وحدي اللي بالشقامحكوم
وضدي الف حاكم ماعرف وزني ومقداري
نصيبك ياابن آدم فى السعاده والشقا مقسوم
طريق وسالكينه كلنا والدرب إجباري
وانا في صفحة الاقدار حظي واضح ومرسوم
ومن يجهل معاناتي يراجع دفتر اشعاري
في مدرسة حزني اذاكر همي المشؤوم
واكتب الين ابيضت في يديني احباري
أنا ماأخطيت على الزمن ليه يبكيني دوم
والعقاب أكبر من ذنوبي ولانفعتني اعذاري
ركبت الموج ما أعرف قوانين الغرق والعوم
مضيع في عواصف الدمع المجداف والصاري
بكيت ومالقيت اللي يواسي ضيقة المهموم
بكمل رحلتي في صمت ويبقى الدمع تذكاري
لأن الحظ رافض لو على انقاض حلم يقوم
تجمهر شوكه الأسود على تمويت ازهاري
مدامك يالاجل واقع وامرك يالقضا محسوم
وماللموت في دنيا البشر بايع ولا شاري
متى اطري على بالك وتنهي قصة المضيوم
متى فاسك يحقق لي مناي ويقطع اشجاري
متى يبدأ العزا فيني ويسبقني لقب مرحوم
متى الحلقه الاخيره من مسلسل عمري الجاري
وسلامتكم
اتمنى انا تنال على اعجابكم

مشكور

العفووو ردوك الحلوه؟؟

روووعة اخوي

يطول الصمت ماحرك على بيض النوايا سطور
و انا مهما تناسيت الزمن لابد يطرالي
دووووم مميزه في الطرح يا نايف
تحياتي لكــ ياذوووووووووق الاشراف والمناعمه

•••
••
•

الهايم كتب:: روووعة اخوي

تسلم الهايم

صعــ المنـال ـــب كتب:: يطول الصمت ماحرك على بيض النوايا سطور
و انا مهما تناسيت الزمن لابد يطرالي
دووووم مميزه في الطرح يا نايف
تحياتي لكــ ياذوووووووووق الاشراف والمناعمه

•••
••
•

انت المميز وكلك ذووق ياصعب

يسلموووووو

متى فاسك يحقق لي مناي ويقطع اشجاري
متى يبدأ العزا فيني ويسبقني لقب مرحوم

واااااو

» لو سلمت من الغرق . ب أموت فـي ظهـر السفينـه!
» تفاصيل اسباب الغرق العلميه لسفينه التيتانيك R.M.S. Titanic "
» قوانين كرة القدم النسائيه