أعاتبك بس تغلبني إبـتـسـامـــــاتـي

مدَّيت يدَّي وودَّي أحتضن عـمــــرك ..
ودَّي تكون بحياتي عمري الآتــــي

جيتك بكلَّي وكلَّي ضايع بـسـحــــرك ..
أسرح وألاقي طيوفك تسكن بـذاتي

هذا أنـا لـو ينـاديني شـــذا زهــــرك ..
لبَّيت بأربع حروفٍ تسكن شـفــاتـي

لبَّيه يا للي أعيش وأهتني بـأســرك ..
لبَّيه يا للي بـغـيـابـك أطلق آهـــاتـي
ا
لعمر غالي وعمري يالغلا مـهــرك ..
بهديك عمري وقلبي وضي لحظاتي

القلب قلبي ونبضه ساكن بـصـــدرك ..
وإنته لعلمك غديت بكل نـبـضـــاتـي

تغيب وأعذر غيابك وألتمس عــذرك ..
من زود شوقي تعذرك كل ساعاتي

وإن جيت أعاتب ألاقي بسمة بثغرك ..
أعاتبك بس تغلبني إبـتـسـامـــــاتـي

سريت ليلي وعيني حـلـمـهـا بـــدرك ..
من بعدها النور غطى بك مسافاتي

محال أي شي يوصل يالـغـلا قـــدرك ..
قدرك سما تحتويها دوم نــظــراتـي