بعض الوصل...

بعض الوصل كذبه على نهج الاوهام
كلام قلته وقد بالعين شفته

خبرة سنين(ن)عشتها ايام وايام
نبع الوفا ماضنتي يوم ذقته

كم عاشق(ن)صدق بعض ضنه وهام
وكم هايم(ن)هده زمانه وزرته

وجه الشبه مابين الاثنين...الاوهام
بعض الوصل من كثر ماشفت عفته

لي صاحب(ن)ودي وصاله مية عام
سجن الاماني من كلامه سكنته

ماجيت دق خشوم..جابتني احلام
قيد الهوى في رسغ يدي ربطته

ماهو غباء بس في طبعي اقدام
ماخفت حتفي لا ولا العشق خفته

حكم الهوى في سلم شرواهم اعدام
مرحوم قلبي من وصلهم دفنته

الطبع طبع ايهود والدين الاسلام
ياوعد بلفور... ليت وعدك حفظته

جاني شماته وجيت له حافي اقدام
درب العنا بنزوف رجلي رسمته

بالوصل كافر..لو رياء صلى وصام
ياشين وجه الكذب يومي عرفته

العام جاني.... يبكي في دمع الايتام
من طيب ساسي يارفاقه رحمته

طيب(ن)كسبته من حبل جوف الارحام
مالمت نفسي لا ولا الوقت لمته

طلبتك اسمعني قبل جف الاقلام
اقرى عيوني وكل حرف(ن)كتبته

يمكن تشوف الفرق وتعيش الالام
يمكن تشوف الظلم دامك عشقته

يامواصلي بكذبه على نهج الاوهام
ليت الجفا جاني ولو طال وقته