لو اني ما اعشقكـ.. وش اللي على هبالك مصبرني؟؟!!

اشكك في غرامه دووم/ انشف ريقه ودمه
تعذب قلبه اوهامي وانا ظنوني تعذبني

محال اليوم يمر بدون زعل ،، لا يمكن اتمه
غصب اخلق مشاكل له واجننه ويجنني

اجي واحوس له جوه وازيد بهمه وغمه
واذا هو اشتكى // ابكي واقول انك ما تفهمني

يحاول يبتسم لكن يقول آلآآآهـ من همه
يقول ارجوك ابي افهم وش المطلوب بس مني

عطيتك قلبي وروحي // واحبك واعشقك جمه
ولا غيرك ابد انسان يبعثرني ويلملمني

تشوف العين ومهما تشوف مكانك باقي بالقمه
وحيده داخل فؤادي ومنك الشك متعبني

دخيلك افهمي حبي

ما راح اعيد (هالكلمه)
ترى صبري وصل حده ومابه شي يجبرني

بأن اتحمل جنونك واشوفك منتي مهتمه
بأني انبسط وافرح،،وقربك مو مريحني

خفوقي يعشقك وانتي خفوقك ما نظر يمه
ذبحني شكك وخوفك،،ترى طبعك ما يعجبني

دخيلك وش به مقصر ابي تقولين واتمه
حلفت الفين ما اخونك وقلبك مو مصـدقني

صرخت وقلت : بعض جنون،مثل ما تشتهي سمه
ولكن قلبي متأكد واحس انك ما تعشقني

ويوم انهلت دموعي بدى يمسحهن بكمه
وقال الحين ابي اسال وابي قلبك يجاوبني

آخذ راسي الى قلبه وقال ابي بهالضمه
تسمع دقه الخفاق ومآ تلقاه علمني..

وقمت اسمع انا احبك وهو مآ قالها بفمه
وعينه تحكي الاحساس اكلمها وتكلمني

ورحت ابكي

على صدره وقال الحين بالذمه:
لو اني ما اعشقكـ.. وش اللي على هبالك مصبرني؟؟!!

ﻭﻗﻤﺖ ﺍﺳﻤﻊ ﺍﻧﺎ ﺍﺣﺒﻚ ﻭﻫﻮ ﻣﺂ ﻗﺎﻟﻬﺎ ﺑﻔﻤﻪ
ﻭﻋﻴﻨﻪ ﺗﺤﻜﻲ ﺍﻻ‌ﺣﺴﺎﺱ ﺍﻛﻠﻤﻬﺎ ﻭﺗﻜﻠﻤﻨﻲ

ابيات جدا رائعه لامست وجداننا برهافه احاسيسها وصدق مشاعرها لك كل الشكر على طرحك الرائع

عطيتك قلبي وروحي // واحبك واعشقك جمه
ولا غيرك ابد انسان يبعثرني ويلملمني

تسلم ينايف

محال اليوم يمر بدون زعل ،، لا يمكن اتمه
غصب اخلق مشاكل له واجننه ويجنني
يعطيك العافيه

» مدري وش اللي حدني لين مريت ذاك المكان اللي يجدد جروحي >> قصيده
» ليت الغيــــــــاب اللي شغل غربــــتي طــــــــال
» اللي ذبحـــــــــــــني عنااااااادي
» ما لقيت اللي تملي عيوني,,
» الصاحب اللي مايعدك راس مـــــــــــــــال