نشـــــــــــــــــــــوة المجــــــــــنـــــــــــون

هلا لا قلتها .. ثأر القصيد بنشـوة المجنـون
جنونه عشق ينزف والتباعد غيّـر أوضاعـه


هلا لا قلتهـا بْشفـاك تنسـج للغـرام فنـون
ترتلها مثـل صبـحٍ رقـص للجـو نعناعـه


أنا وشلون أطالب ثغرك الباسم وأنـا مديـون
وفا لظروفك اللي (عاكست بي عقرب الساعه)


أنا لو خان صبري لك خفوقي بالوفا مرهـون
أسيّر مركبي بأمواج حبـك وأفـرد أشراعـه


تخيّل .. جيتك أنزف كبرياء بعـزة المطعـون
تخيّل من يسايرك الحديـث ويخفـي أوجاعـه


يجيك بلون قلبك مندفع والوقت شاحـب لـون
بنفس اللون لو مات الربيـع بنـص مرباعـه

على الموعد عيون اللي يحبك تستغيث الكـون
يخاف الوقت يستهون بطاه بشرهـة أسراعـه


حقايق باهره .. وأنتي ذبيحك يالعيون عيـون
عجزت آصْف وعذري لك علّي السمع والطاعه

يازينك لا رقص خامل هدبك الطاغي المجنـون
بسجعات العيون اللي لنبـض القلـب نزاعـه


تعال أسكب بسمعي صوتك الدافي ولّه وأشجون
تعال أبيك كلك .. يارجا المشتـاق وأطماعـه


هويتك كثر ماهز الفـراق العاشـق المفتـون
كثر مافاضت عيونـه عبايـر وجْـد ملتاعـه

حقيقه عأيشه بأعمق حنايا شاعـرٍ مسجـون
رغم أنه طليق أتخيّـل أن القيـد بأطباعـه !!