... ليتك خطا .. واستغفر الله وأتوبك !!

أقسى جروح القلب من جور فرقـاك


............... وأعظم ذنوب الحب فيني ( ذنوبـك )


كل ماخطيت أقول .. تكرم خطايـاك


............... أضحك على نفسي .. وأداري عيوبك


سلمتني لـدموع حزني .. بـيمنـاك


............... وتركتني مسجون .. بـأخر دروبـك


علمتني .. كيف أعشقـك وأتمنـاك ؟


............... ونسيت ماعلمتني .. كيـف أتوبـك ؟


لو كل ماجاء منك ياصاحبي .. جاك


............... من كثر ضيقك..ضقت حتى بـثوبك‏​‏​


كذبت عقلي فيك .. واخترت دنيـاك


............... وصدقت قلبي فيك .. وأثره كذوبـك


شفني ليا من قلت بنساك .. ماانسـاك


............... في كل درب أمشيه .. أمشيه صوبك


تعبت أجمع مابقـى مـن .. بقايـاك


............... وابكي على الاطلال .. لحظة غروبك


ليتك كلام .. واعتذر عنـك وانسـاك


............... ليتك خطا .. واستغفر الله وأتوبك !!