جدنا سعد زعيم القوم في ضرب النحور

كانت الديرة ورود وكانت الديرة زهور
وكان فيها العشب يا شواش يسر الناظرين
كان صوت الرعد يرعد والبرد فوق الصخور
والمطر يمطر وكنا بالمطر مستبشرين
الغنم ترعى وترتع فالمحاير والزبور
والسواقي كان فيها الغيل يجري كل حين
كانوا البدوا ن لا طاح الحياء بعده نشور
وين ما طاح المطر بالصبح صوبه راحلين
والبعارين أقبلت بحمولها وقت السحور
والمراعي تسعد الراعي بعد قحط السنين
ما حلا بيت الشعر والعيس من حوله تدور
والهبايب يوم تو مي عن يساره واليمين
لا تذكرت الربيع وزغردة ذيك الطيور
في شروق الشمس يوم ان الجماعة سارحين
أتذكر مامضى لي في قديمات الدهور
يوم كان الناس في نفعاتهم متعاونين
كان يعجبني شبوب النار من قبل الفطور
في نهار الصوم وأهل البيت به متجمعين
كان يعجبني تجمّاع الرجال مع البثور
والجماعة كلهم في رأيهم متوافقين
كان والدنايعلمنا على زين الأمور
كان من طبعه كريم وقت عسر وقت لين
كان بيته للضيافة للورود وللصدور
ما ذكرت إنه تضايق من ضيوف قادمين
كان مقدام سنافي كنت في شخصه فخور
كان رمز للرجولة والقبيلة عارفين
مستحيل أنسى زمان فيه وسعان الصدور
كيف ننسى جلسة فيها الرجال الطيبين
مثل أبو محمد اللي كان له فالقوم دور
مجلسه متعه وهرجه يشرح القلب الحزين
جدنا سعد زعيم القوم في ضرب النحور
فارس الفرسان ما همه كلام الجاهلين
إما هذي اليوم جدنا ضمن سكان القبور
يا لله اغفر ذنب جدنا يا مجيب السائلين
كان غشام الحكيم اللي كلامه كان نور
كان لا منه جلسه يسعد جميع الحاضرين
كان في رايه مطاع ويقتنع كل الحضور
ما حد في رأي أبو محمد قال العلم شين
كان له صوله وجوله كان له راي وشور
ثم مات وجعل روحه في جنان الآمنين
صورة الماضي بعيني واضحة عبر المرور
وين ما وجهت وجهي لفني حس الحنين
لاذكرت أيام راحت قامت أعصابي تفور
وانهمل دمعي وقمت ازيد في جر الونين

مشكور الطرح الجميل ..

اللي اتاهم الموت ونقاهم .. سكنوا لحود الثرى واللحد موااهم
وعقبوا لي الاااه من بعد فرقاهم .. انا اسالك ياللهي في جنة الخلد تجمعنا وياهم

7mo0ode & mesho

تسلم مكه على الطرح الرائع

والله يرحم جدك ابو محمد

تسلم يامكه على الطرح الرائع

والله يرحم ابو محمد ويسكنه فسيح جنانه وجميع اموات المسلمين

الله يرحمه ويرحم جميع اموات المسلمين قصيده جدا رائعه سلمت يداك يالشريف على الطرح الرائع

تسلمون حبايبي على هذا المرور

اللهم اغفر للمؤمنين والمؤمنات والمسلمين والمسلمات وكل انسان حي وكل مولود آت ٍ

آآآآآآآآآآآآآآآآآآآمييييييييييييييييييييييييين

اللهم اغفر جميع المسلمين والمسلمات ويغفر لــ ابو محمد وجدك سعد ياعطيك العافيه ديرتي ع الطرح الرائع

مستحيل أنسى زمان فيه وسعان الصدور
كيف ننسى جلسة فيها الرجال الطيبين
مثل أبو محمد اللي كان له فالقوم دور
مجلسه متعه وهرجه يشرح القلب الحزين
الله يرحمك يأبو محمد مشكور مكه على الطرح

» جدنا علي بن ابي طالب رضي الله عنه,,