يابنت روحي ورثي الحب للناس
قولي توفى شيء وأسمه ( محّبه )
يمكن يتوب اللي بلا قلب و إحساس
ويراجع ايام الخطا ويتنبّه
صار الهوى لعبه على كل مرواس
عجيب هذا الوقت ربي .... وربّه
عشان أحبك هات لي خاتم ( ألماس )
( و رصيدي ) خلص دز لّّّيّ كرت عبّه
هذاك يبغى حب يرفع به الراس
وهذا يهين الراس لو كان حبّه
كل ٍ على الثاني يطقطق وهلاس
ونور الحقيقه مابه أحد ٍ يشبّه
هذا الذي صاير بلا عد وإقياس
وآخر طريق الحب , ذم , ومسبّه
الحب ماهو هرج فاضي بلا ساس
الحب كنه .... نهر يروي مصبّه
الحب أسمى من أكاذيب الانجاس
يبقى .... ولو كل الاوادم , تذبّه
لاباس ياقلبي بما صار لاباس
عيبك ! صدوق وعيبك اليوم خبّه
مدام بحر الحب بالكذب ينداس
مالك , وماله طالبك لا تطبّه
البنت راحت ! ترثي الحب للناس
قالت توفى شيء و أسمه محبه
