ماكــــــــــــــل جرحٍ لاخــــــــــذا أيام يبرى

لاتنشغل فيني أنا بحالي ادرى
قلبٍ تعلّق فيك ينسى مع الوقت

اكثر من اللي صارلي ويش يجرى
بين الرجا والياس شفني تعلّقت

مثلي ولوشفته عن همومه ازرى
ماقال ليتك في جروحه ترافقت

هاك القصايد لاتضايقت واقرى
شف وشكثر فيها لبسماتك اشتقت

أثرالوفا ينباع عندك ويشرى
ماكنت اصدق فيك واليوم صدّقت

يامشتهي فرقا المواليف حذرى
تبعد وأنا من سكرة الحب مافقت

لاطافت الفرصه تحريت الاخرى
وتروح ماكني عليها تشوقت

ساري لو إن الليل مافيه قمرى
اشيل من حمل الهوى فوق ماطقت

لاصار حظ أقشر والايام قشرى
مافيه احد عاقل يلومك إلياضقت

صحيح بعض الناس فرقاه بشرى
وبعض البشر لاغاب ليله تضايقت

ليتك خذيت بليل الاحباب مسرى
غربت من كثر الطواري وشرّقت

السيل يبقاله على القاع مجرى
ويبقالك التذكار لوكنت فارقت

اشوف لك من وين مارحت ذكرى
ولاشفتها صديت عنها ودنقت

ماكل جرحٍ لاخذا أيام يبرى
بعض الجروح يزيد شره مع الوقت

لاتنشغل فيني أنا بحالي ادرى
قلبٍ تعلّق فيك ينسى مع الوقت

سلمت يداك,,

صحيح بعض الناس فرقاه بشرى
وبعض البشر لاغاب ليله تضايقت

صدقتي بعض الناس والله فرقاه بشرى تسلمين على هذا الإنتقاء

يسلم غاليكم شرفني مروركم

كلمـات في غاية الرووعه والجمـال..

صح لسان قايلها وتسلم يمين إللي جايبها

يعطيك الف عافيه وبنتظار جديدك يالغلا

تقبل مروري المتواضع.

تسلم شرفني مرورك

» ثلاث أيام ما شفناك