لاتسأليني عن سبب ضيقة البال

لاتسأليني عن سبب ضيقة البال !! ,

لا تتخيل كل الناس ملآئكه فتنهار
أحلآمك ..
لآنك ستبكي على سذاجتك..
ولتكن فيك طبيعة الماء الذي يحطم الصخره ..
بينما ينساب قطره قطره ..

لاتسأليني عن سبب ضيقة البال
مبطي وأنا ماذقت طعم السعاده
ظروف خلت حالتي ماهي بحال
كافحت ليما مابقت بي إراده
بنيت لي في عالم الصبر تمثال
وباد الزمن تمثال صبري إباده
حاولت أوسع خاطري بلعب الأطفال
وكل ماسليت شوي ضاقت زياده
لو المشاكل حلها الدمع لاسال
أستغفر الله صار دمعي عباده
لبكي بكا ضيقه ولوعه وغربال
مابكي بكا خوف وذل وشراده
يابنت وديار البدو عشب ورمال
ومسرى بليا شور كله جهاده
وأنا سريت بوادي فوقه جبال
الحر ماشاف الشبك يوم صاده
فيني بدوي طبعه ورا الخير رحال
أكثر مقيمه فوق مركب شداده
يشد وينزل كل فتره بمنزال
وقربه صعب جدا وسهل أبتعاده
أن قال فرقا ماتراجع إليا قال
ماتقدر الدنيا تكسر عناده
فينا الولد يسوى ثمانين رجال
فينا الكرم خلقه وسنه وعاده
وبالعشق أخذت اللي مواصيفها ثقال
في زينها ماهي بحاجة شهاده
حبيبتي مازينوها بسلسال
من زود ماتبرق تضيع القلاده
أسود شعرها ل لبست فوقه الشال
الشال الأسود ينصدم من سواده
أرجولها خلخال من دون خلخال
خلقتها لفت انظار ماهي عماده
لو نفترض مرت على شارع الجال
فاض البحر يشكي عليها وداده
الأرض تهتز حدرها هز زلزال
زلزالها تعشق حدوثه بلاده
فيها الحلا عايل عل كلها عال
أن سولفت بالليل أنسى رقاده
بس المصيبه حظك الشين لا مال
إليا رقد يابعد والله قعاده
وأنا مع حظي بعض ناس عذال
زادوا علي من النكاده نكاده
صحيح أنا عايش ولو الحزن طال
الحمدلله والشكر والشهاده
الفضل لله عزني بكل الأحوال
ماذلني بحاجه تشمت إعباده
مير البلا ضيقات ألوان وأشكال
لاجن خلني طريح الوساده
هذا أنا يا ناشدتني عن الحال
من كثر ضيقاتي نسيت السعاده
وسلامتكم

فينا الولد يسوى ثمانين رجال
فينا الكرم خلقه وسنه وعاده
وبالعشق أخذت اللي مواصيفها ثقال

صح لسان كاتبها مبدع كعاااادتك يالناااايف قصيده جدا راقيه في طرحها سلمت يداك وسلم لنا ذوقك

انت من فين تجيب الكلام هذا ياخي
خلااااااااااااااااااااااااص انت وجود نشفتو عيوني من الدموع
كفيه احزان

هههههههههههههههه

صدقت يشوووااااااش

بوح رآقي

راقت لي معزوفة الجمال هُنا حتى طال بي الوقوف

على رصيف الإبداع .. وأخذت اُصفق بحراره مبهوراً بما رأيت

شااكر لك ابداااعك

تقبل مرروري

» على البال ,,كل التفاصيل على البال..
» ]كنت خالي البال
» عسى الله مآ يطؤّل [ضيقة] الخآطر على بآإلي ..!
» ياهي صعبه ضيقة الشخص الكتوم,,,!!