في خـــــــــــــاطري كلمة ويمكن تبكيــــــــــــكـ

في خاطري كلمه ويمكن تبكيك
وانت الدوا لانسان دونك يعاني

ووشلون رحت وكل صوتي يناديك
ياهيه اسمعني ترى العمر فاني

ماقلت لك من قبل ماني مخليك
ياكيف تنساني وقلبك نساني

كتبت لك في صدر لايام ابغيك
وكتبت لي خلاص غيرك خذاني

حتى جدار الصمت لو التفت فيك
بكيت من صمته وضيق الثواني

عشقت كل لحظات عمرك وماضيك
ومعك عرفت ان الاماني اماني

وسويت لك في داخلي شي يرضيك

وان كان مايرضيك سويت ثاني

نزعت فرحت خاطري ليت تكفيك
وزرعتها في داخلك ماكفاني

ضحكت لك وانا من الحزن اسليك
وحبست دمعي لجل اقدم حناني

وصديت وقت الضيق مابيك مابيك
تشوفني اضحك وانا الى اعاني

ياهالزمن تكفي طلبتك وارجيك
لاتبخل بوصل الحبيب الاناني

قد قلت له مقدر افارق واحاتيك
وقلت له هالبعد ياما كواني

لكن حسافه كل صوتن يطريك
يامامعا نفسي ذكرتك اغاني

بايديك كل اللي حصل ايه بايديك
بديت احسك شي خارج زماني

ودامك زرعت انسان غيري باراضيك
فانا ماحب يكون غيري مكاني

بتغيب غيب ولكن اسمع محاكيك
قبل السفن تنوي بهجر المواني

في خاطري كلمه ويمكن تبكيك
ابيك تسمعها دقائق عشاني

لو الزمن يعطيك ماهوب معطيك
شخص يحطك بين عوج المحاني ..........