على هامـش حياتـي .. تكبـر احـزان وتمـوت آمـال
ـــــــ تحت ظل الظـروف اللـي .. مرابعهـا .. ورى صـدري
كبرت .. وشحت ارضي بالعطـا .. والشـح فيهـا طـال
ــــــ وانا ادعي ..يا عسى خيط الامـل مـا يحرقـه جمـري!
تمـوت مـن العطـش غابـة ..واردد للشجـر لا مـال
ــــــ سقاك الغيث .. يا ظـل السبـاع .. و راحـة القمـري!
بعد صـارت جفـاف .. ومـا لقـى قلبـي بهـا مدهـال
ــــــ بعد صارت ..عروش ٍ خاوية .. قلـت : اغتنـم عمـري
نويت ارحل .. مع انسام الهبوب .. ومـع سـراب الـلال
ـــــــ نويت اشطب على سود الظـروف .. وحيرتـي بأمـري
وقفت .. اجمع شتاتي .. والزمن فرقى .. وضيقـة بـال
ــــــ وقفت .. ولا قدرت اصمد ..وخفت ابكي وانا مـا ادري!!
تقبلـت الظـلام .. ووحشـة الطرقـة بـعـزم ابـطـال
ــــــــــــ تناوشنـي.. مخاليـب الظـروف .. و تنتظـر.. كـسـري
تركت اغلى الاماكن .. تحتظـن حلمـي .. وراس المـال
ـــــــــ وانا ادري.. لو قسى حكم الزمن .. تبقـى علـى خبـري
رحلت .. اشرب مع انفاسي ضما .. والجوع ما لـه فـال
ـــــــــ رحلـت .. وقلبـي ترفـرف.. عروقـه .. تفتقـد.. وكـري
رحلـت ..اكابـد الغربـة.. واسايـر ضحكتـي محـتـال
ـــــ وحيد .. افرش من احزاني بساطي .. والتحـف صبـري
بقى لي وش بقى لي يا ( صدى صوتي ) ولا ينقال
ــــ ـسوى صوت ٍ ولو ما له صدى .. ما اتوقعـه جهـري!
بأجر الصـوت فـي قمـة جبـل حاطـت عليـه اجبـال
ـــــــــ وابي تسمـع.. صـدى ٍ يدفـع صـداك.. ومنبعـه نهـري
بأجر الصوت .. في جزل الحـروف .. وزفـرة المـوال
ــــــ قوي دافعي .. واسكب على صـدر الشعـر .. شعـري
تعيش اظروف .. وتموت الشيـوخ .. ويكبـرون اطفـال
ــــــــــ وانـا مثـل الفضـا .. مـا.. نزلّـت.. بأسمـي ولا قـدري
انا ( ...) .. شموخي ما انحجب دون السمـاء بظـلال
ــــــــ واذا حاول بشر يكسر شموخـي.. قلـت لـه : بـدري!!
يا انا جيلـي .. بعـد جيلـي .. ولكنـي رجعـت اجيـال
ــــــــ ولكن للأسف .. ما به على كبـري .. ومـن عصـري!
يا انا جيلـي .. قبـل جيلـي .. ولكنـي مشيـت اميـال
ـــــــــ ولكن للأسف .. ما بـه بشـر فيهـم .. علـى كبـري !
فقدت ارجال .. لا والله عقـول ٍ .. مـن وراهـا ارجـال
ـــــــــ دفنت... اللـي يمـوت بداخلـي ... فـي مقبـرة قصـري !
ولكني .. رغـم ذلـك .. مـا اقابـل واقعـي .. باهمـال
ـــــــــــ ابرهن ما حـدث .. وارسـم تحياتـي .. علـى سطـري
واذا طـال الرحيـل .. ولا كسبـت مـن الفـرح مثقـال
ــــــ حسافة يا ( صدى ) كان ابتديت اضحك ومن عذري!
امانة يا صدى صوتي .. معك حلمـي .. وشـرح الحـال
ــــــــــ تزور اغلى الاماكن ... مـع نهايـة ... عامهـا الهجـري
وامانة يا صدى صوتي .. لا شح اقسى الزمن ..بوصـال
ـــــ ابي .. لو حفنة ٍ من رملهـا .. ترمـى وسـط قبـري !!
مم رآآآق لي ..!!
