حمدان يا حمدان ..... أمك توصيك

[ندعوك للتسجيل في المنتدى أو التعريف بنفسك لمعاينة هذا الرابط]


قصيدة كتبتها عجوز بعد أن أودعها أبنها في دار المسنين

وطالت المدة لثلاث سنوات بدون أن يزورها

ورغم كل هذا كانت القصيدة مليئة برحمه وعطف الأم



يا رب تكون هالقصيدة درس للكثير من الأبناء

ودرس لزوجات الأبناء ألي يحرضون الأولاد على عقوق أمهاتهم


وين أنت يا حمدان آمك تناديك .. ورآك ما تسمع شكايا وندايا

يا مسندي قلبي على الدوم يطريك .. ما غبت عن عيني وطيفك سمايا

هذي ثلاث سنين والعين تبكيك .. ما شفت زولك زاير يا ضنايا

تذكر حياتي يوم اشيلك واداريك . ... والاعبك دايم وتمشي ورايا

ترقد على صوتي وحضني يدفيك .. ما غيرك احدٍ ساكن في حشايا

واليا مرضت اسهر بقربك واداريك .. ما ذوق طعم النوم صبح ومسايا

ياما عطيتك من حناني وبعطيك .. تكبر وتكبر بالأمل يا منايا

لكن خساره بعتني اليوم وشفيك .. واخلصت للزوجه وانا لي شقايا

انا ادري انها قاسيه ما تخليك .. قالت عجوزك ما ابيها معايا

خليتني وسط المصحه وانا ارجيك .. هذا جزا المعروف وهذا جزايا

يا ليتني خدامة بين اياديك .... من شان اشوفك كل يوم برضايا

مشكور يا ولدي وتشكر مساعيك .. وادعي لك الله دايم بالهدايا

حمدان يا حمدان امك توصيك .. اخاف من تلحق تشوف الوصايا

اوصيت دكتور المصحه بيعطيك .. رسالتي واحروفها من بكايا

وان مت لا تبخل علي بدعاويك .. واطلب لي الغفران وهذا رجايا

وأمطر تراب القبر بدموع عينيك .. ما عاد ينفعك الندم والنعايا

مشكوره الله نور طريقك على كل خير