مَمَتُىآ نَسُسُيِتْ ..

اصعب سؤال اللي جوابه للأسف مثله ( سؤال )
ما هو تفلسف !! الا موقف صار واسمع " ثاني بيت"

البارحه يومه سأل وش ذكرك ذيك الليال
كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال
لكنها صارت كذا ! واللي (( اهم )) اني دريت :

ان الحياه فبعد احبابك اذا جـف الوصال
اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..

الحال في بعدك قسـم بالله ما اسميه حال
انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت!؟

تعبت اعيش الدور وافتح للمعاذير الخيال
واتخيل اني جيت في بالك وبانك استحيت!!

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت !! )

حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت..

قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت !!

واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيت ... بيت

بتدرى ان ( اصعب سؤال ) اللي يجي رده سؤال
لا قلتلي ( وش ذكرك ؟ ) ثم قلتلك متى نسيت ؟

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت
الله عليك ياصعب مشكور

العفو شواش

يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!

مشكور يييييييييييياااااااااااصعب

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت !! )

صح لساااان كاتبها وسلمت يداك يالصعب على اختياراتك التي فاقت الخيال بجد قصيده جدا جدا رائعه
مبدع كما عهدناك ومنتقي مميز للاشعار سطرت لنا قصيده من وجهة نظري من اجمل القصااائد التي قراتها داااام لنا ابداعك وتميزك

يا صاحبي لو كل شي يمر بالخاطر يقال
ما كانت العبره تولجني اليامنك طريت ؟!

تسلم يا صوصو..

شرفني مروركم الغالي
واسعدني ردكم الراقي
يسلمو ع المرور