افتح شبابيك الهوى جيتك اليوم

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم ورحمة الله وبركاته

افتح شبابيك الهوى جيتك اليوم
..................بحساس من زود الوله عده ايطير

جيتك مثل طفلن له ايام محروم
..................عن حضن امه بعدته المقادير

وجيتك مثل عودن له ايام مهموم
..................وده يلاقي باخر الوقت تقدير

وجيتك حضن عاشق وهايم ومغروم
..................وده يضمك لين تصبح على خير

متى تحس ان الهوى شي مقسوم
..................من قسمة الخالق على خلقه يصير

ومتى تحس اني لك اطيح واقوم
..................واتعب على شانك واقدرك وآغير

لي في هواك احلام وامال وعلوم
..................واحزاب واصحاب وقصيد وجماهير

وهموم وافكار وهواجيس وحلوم
..................وادروب واخطار وعذاب ومشاوير

وحب وغلا واخلاص ومعاند ولوم
..................واحساس والهام وشعور وتفاكير

وصحبة سهر ومقاطعة لذة النوم
..................واشواق جياشه وعشق وتعابير

في ذمتك مابان لك شي مكتوم
..................من بعد ماصورت الاوضاع تصوير

لاتحسب انك شي عابر ومعدوم
..................وتاريخ حبك فاق كل الاساطير

في كل شي اتخيلك واسمعك دوم
..................واتأملك في الوقت الأول ولآخير

من ماضي الأيام ليومك اليوم
..................وغلاك عندي ماحصل فيه تغيير

وانا لك الله مأقبل البيع والسوم
..................ولا ارضى علي ولاعليك المخاسير

لاْني الوحيد اللي على بحرك يعوم
..................واللي عرف مرساه في رحلة السير

لحظه حبيبي قبل يسبقني النوم
..................بضم صدرك لين تصبح على خير

وســــــــــــلامتكم،،،،،

تسلم قصيده رائعه ما قصرت...

وجيتك حضن عاشق وهايم ومغروم
..................وده يضمك لين تصبح على خير

مشكوور اخوي

لحظه حبيبي قبل يسبقني النوم
..................بضم صدرك لين تصبح على خير

صح لسان كاتبها وسلمت انامل خطتها لنا قصيده سطرت لنا اجمل وابدع معاني الحب والشوق عباراتها رقيقه تلامس الوجدان اخترت فابدعت مشكور على القصيده المميزة

وجيتك مثل عودن له ايام مهموم
..................وده يلاقي باخر الوقت تقدير

مشكووور على القصيدة ..

سلمت يداك مكة ديرتي ..

أسعدنى مروركم تسلمون

» يــــا اهل الهوى
» بعد صفوى الهوى
» انت الهوى و القلب بالحيل يغليك,,
» ودي اموت اليوم
» الين اليوم واناعندي امل فيهم