هذي قصيدة أخوي الهايم:
بسم ربي منزل نون و القـــــــلم @@ أبــــــدا قصيدي و أطلب الله يعليه
أسلم و أعيد و أزيد و أسلــــــم @@ على رفيق ماغاب عن البــال طاريه
يا خوي الدنيا مافيها غير الألــم @@ تخفيه والا تعلنه الحزن دايم محتويه
من قسوتها يشيب الصغير قبل يحتلم @@ حتى الكبير دموعه تسبق خطاويه
محد(ن) من هالدنيا عدا و سلــــم @@ و برق الفرح دايم الحزن كاسيه
يا دنيا ما كفـاك جمــع ولـــــم @@ ضحايا ومجاريح يالله العفو و تعافيه
الفرح من كثر الـــــحزن استسلــــم @@ ورفع رايته وراح يراجع ماضيه
و احلامنا تهاوى ماتنجمع ولا تنلــــم @@ مثل جريح ما لقي من يداويه
ترا الدنيا مايبالها الا الصبر و الحلم @@ شد حزام الصبر والحلم لا ترخيه
و قبل مااختم القصيد نصلي ونسلــــــم @@ على سيد البشر صلوا عليه
وهذا رد lost in own fantasy :
قبل كل شيئ وقبل أتكـــــلم @@ هذي صلاتي وسلامي عليه
لخير البشر وخير من عــــلم @@يالي على البال دوم طاريه
وإن جيت أبدا واتكلـــــــم @@ على جرح في خفوقي مواطيه
جرح من قساه صرت اتالــــــم@@ جف القلم وأنا اشكي عليه
صدقني من كثر ماتألـــــــم @@ وانزف من جروحي وداويه
وقتها حسيت إني أتحـــــــلم@@ على هذا الزمن وإلي خافيه
حاولت اكذب وأقول باتحــــلم@@لقيت الصبر والحلم مقدر أباريه
ياصاحبي من هالزمن دوم نتعلم@@إن الفرح دوم الحزن وسطه يخبيه
وثوب الأمل وإن راح وسلــــم @@ يبقى بريقه في عيوني مواريه
وبعد كل شي وبعد ماتكلــــم @@ هذي صلاتي وسلامي عليه