الفرق بين حوار البنت والرجل بعد رجوع من العزيمه‏‎ أو الزواج

البنت بعد الرجوع من العزيمة أو الزواج

هي: يوووه فاتك نص عمرك.. توني جايه من العزيمة

أختها: وش حطوا؟

هي: يو يو يو ، حطهم يجنن، ما فيه شي ماحطوه ، أول شي الشاهي، بيالاتهم تجنن مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه في صياني خربزيه وفيها نقط صغيييره لونها أخضر ،والمكسرات تموووووت ، حاطين كل كسرة في كيس! والا العشاءياربيييييه يهبببببل(يستمر وصف الاكل ساعة ونصف)

أختها: جت نوف؟

هي: ايه جت، يالله لبسها يجنن، لابسه فستان وردي مطرز بكرستال بني ، لبسها من جد ياخذ العقل

أختها: لايكون نفس اللي لبستهقبل 5 سنوات؟

هي : لا لا ذيك المره لابسه فستان أحمر مو وردي ولا كان فيه كرستالات

،

اختها: أجل شكلها لابسه فستان بنت عمها أريج لاني شايفهاللبس هذاعليها

.

هي: اي والله، يووووه يخزياه، والله انه ماتستحي ؟ لا وأريج تدرين وش لابسه ؟ اليوم لابسه لبس يحوم الكبد، الظاهر انها شاريته من أبو ريالين

أختها: وجزمتها؟

هي:ما أدري ماشفتها، تصدقين طول العزيمه وانا احاولاتشوف للجزمةلكن ماقدرت، حتى انييوم طفشت في الاخيرذبيت شنطتي تحت الكرسي حقها على بالي ما ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان طويل مرة ومغطي رجولها

اختها: اكيد جزمتها مثل لبسها يحوم الكبد .. هي دايم كذا ذوقها خايس ...طيبومكياجها كيف كان؟

هي: وععععع ، مكياجها مخليها اكبر من امها، تخيلي حاطة روج بني، الظاهر انه ديرما مو روج، والله المسكرة بعد يووووووووه مالها داعي، ما ادري مين النذلة اللي حاطه لهااالمكياج ، شكلها زوجة ابوها

اختها: طيب وتسريحة الشعر

هي:حقت مين؟ نوف والا اريج؟

اختها: كلهم

.

هي: تسريحة نوف حلوة، حاطة شباصة فضية وبكلة وردية، ومشابك برونزية والشعر صابغته بلون كحكحيلكنه يهببببل،

اختها: كحكحي؟ يعني ايش؟

اختها:ماتعرفين الكحكحي ?هذا لون جديدللصبغات ، اذا شفتيه تجيك الكحه من زينهحتى سألتها وين مصلحه شعرها فيه ورفضت تعلمني النجسة، اما اريج تسريحة شعرها باييييخة، شفتي تسريحةخدامتنا جيناتاوهي تغسل المواعين؟ نفسها بالضبط

اختها: على طاري الخدامة؟ خدامة اريج وش لابسه

..

هي: الخدامة لبسها عادي، لكن جزمتها خقااااااااااااق ، تهبل ماكأنها جزمة خدامة، لونهااسود وعليها خيوط فسفورية

اختها: صدق والله؟ هذي مو جزمة اريج؟

هي: الا والله؟ وانا اقول وين شفت ذا الجزمة فيه .. هذي جزمتها قبل عشرطعش سنة، اتذكرها شكلها عطتها الخدامةبدل ماتكبها في القمامة.

(ويستمر الحش إلى صلاة الفجر)

------------

الولد بعد الرجوع من العزيمة أو الزواج

هو: السلام عليكم، توني جاي من العزيمة وترا كل الشباب يسلمون عليك

اخوه: عليك وعليهم السلام

انتهت المحادثة.

هــــــــــــــــــهــــــــــــــــــهـــــــــــــــهـــــــــــــه

بس أحلا شي محادثة الرجل ..

لاكن البنآآآت مشاء الله عليهم ماخلووا أحد في حاله لا واللي يزيد الطين بله الثانية تسألها عن جزمتهآ (( وأنتو بكرامه ))

الحمد لله على نعمة العقل بس تصدقووا هم زينة الحياة ياربي عليهم وعلى سواليفهم .. lol!

محادثة الرجل كانت ممله جداً ولا أنا غلطآآن ..

ماعندهم سواليف أيش لابس وكيف جالس ومدري وشو وكلام كثير و طوول الوقت ساكتين الحمد لله و الشكر

بس مووضووع مميز مدعووا للنقاش أرجووا التفاعل من قبل الأعضاء

ههههههههههههههه

أريج ولا النوف وش السالفه حرام عليك إحنا مو كذا ممكن بعضنا بس أكيد مو كلنا

بس حلوه وعليك وعليهم السلام ههههههههههه

تسلم شواااشي على التمييييز وأكيد الحش

تحياتي

لموووووووووو

» الفرق بين البنت والولد اذا فرحوا
» الفرق بين عطسة الولد وعطسة البنت
» حوار بين الصحه و المرض,,
» ماأصعب أن تبكي بلا... دموع.....وما أصعـــــب..أن تذهب بلا رجوع
» كيف تعذب البنت العربية والخليجية>>الا السعودية ههههههههههههههه‎