أنا اشهد إن كنت أنا أغليك

مابيـك تستغـرب إذا قـلـت مابـيـك
قلبـي مـن اللـي صـار غيّـر كـلامـه


تـدري وش اللـي حدنـي يـوم أناديـك
بـودعـك واقــول مــع السـلامـة


بودعـك و أنسـى زمانـك وماضـيـك
وداع مــن ذاق الجـفـا والـمـلامـة


لكـنّ , ودي أسألـك قـبـل أخلـيـك
وأبيـك تعـطـي للـسـؤال اهتمـامـه

ابسألكـ وشلـون غيرتنـي فـيـك ؟
وخليتنـي استغـرب غــلاك ونظـامـه


وأنـا عشانـك كـل ماتطلـب يجـيـك
رفعتـلـك هـامـة و نـزلـت هـامـة

ما عاد لـك فـي داخلـي حـيّ يبكيـك
صـدري قِبَـر كـل الحـواس بعظـامـه


أغليك ؟ صح أنا اشهد إن كنت أنا أغليك
والحيـن راس المـال مـنـك السـلامـة


لا تقول ليه , وكيف , وشلون , وشفيـك
ماضيـك يعطيـنـي لبـكـره عـلامـة

مـا ودي أضـيّـع حيـاتـي بأيـاديـك
دام إن مــن عــزك تـنـزل مقـامـه



غـلاك ماعلمـك تكسـر تغلـيـك ؟
وغـلاي أثبتلـي الـوفـا والشهـامـة



كافـي نضيـع وقتنـا فــي بـلاويـك
مـا يِرجِـع اللـي راح كثـر النـدامـة


وإن ضاقـت الدنيـا بزحمـة طواريـك ؟
الليـل الأسـود , مايـطـول ظـلامـه


والحين تعـرف ليـه انـا قلـت مابيـك
و قـــــــلب ٍ يحبـــك ليه غيـر كلامــــه


ودعــــتك الله لاتجينـــــي ولا أجــيـك
ولاعاد تسأل خاطـــــــري وش علامه


ولا تنـــــــصدم في بسمتي يوم أحاكيك
أحيان تلقى بالجريـح ابتســـــــــامـة