صبــــــــــــري على عــذاب حبك هو اكبر إثباتـــــي

تكفى طلبتك لا تسألني بدنيتي من تكون

لاتسألني وانت اصلآ عارف كل اجاباتي

لاتسألني عن الحب اللي احمله يالحنون

وكيف اجاوب لك وانا معاك اضيع عباراتي

رسمتك بدنيتي لوحه ملونه بكل لون

مدموجه بألوان المعاني الصادقه وتضحياتي

وكانك مصمم تعرف بدنيتي من تكون

ابشر ولا تزعل بس قبلها حس بإجاباتــي

ترى كل حرف من كل كلمه فيها شجون

وكل كلمه طالعه مني تحكي لك معاناتي

معاناة يحيط بهـــــا صبـــــر وسكـــــون

وصــــمت مايميزه الا كثــــرة اهاتــــــــــي

اجاباتي افهمها من حكي بيجيك مضمون

لأنــــه من القلب طالع يا أصعب مسافاتي

كم كنت اهون عشانك كل ماكاد ويهون

واسقــيك لحد ماترتوي وانا ضميانه شفاتي

ودايم وراك اسندك بظهرك عطف وعون

مـــن دون ماتدري بس عشان ارضي رغباتي

وعشان ارضي وفاي وارضي حبي المجنون

ولأن احساسي اللي احمله لك مصدره ذاتي

لا تستغرب من اللي بقوله وتقول وشلون

خلـــني احكي لك لأني كنت مطول بسكاتي

تعبت اخبي احساسي لك مابين العيون

وجا الوقـــــت اللي اشرح لك من بعض لوعاتي

حبك بنفسي ساكن في القلب مرهون

وماضنتـــــــي فيه احـــد مثلي وسوا سواتي

ولا هقيت فيه احد مثلي حبك بجنون

ولا حــــد قــــد دارا عليك مثل مداراتــــــــــي

سألتك بحق النبي والبيت والطهر والركون

بيــــنك وبين نفسك من ضحى مثل تضحياتي

منهو قبل لا تنام سمى عليك وغطاك بالهون

وحسسك بالأمــــان والسكينه قبل لا تباتــــــي

منهو قبل لا تبكي ينزل دموعه فدوة لعيون

اغــــــلى البشر عـــــنده على مر الأوقاتـــــــــي

يمكن كويت بالهوا غيري لكن بينسون

تدري ليــــــه؟؟ ماظن ان كياتهم مثل كياتـــــــي

سألتك منهو مثلي بحبك سنين مسجون

منهـــو معك دايم يوقـــــف لك مثل وقفاتـــــــــي

لجلك كسرت الممنوع ويقولون اللي يقولون

وماهمنـــــــــــي ولو قالوا حكيهم خليته شتاتي

ولو توقف الدنياء والا ينتهــــــي الكـــــــــون

والعمــــــر كلــــــــــه ولو راح ماقلت لك فاتـــــــي

ماظن بعد اللي قلت مو عارف من تكون

صبــــــــــــري على عــذاب حبك هو اكبر إثباتـــــي

ماظن بعد اللي قلت مو عارف من تكون

صبــــــــــــري على عــذاب حبك هو اكبر إثباتـــــي

عندما ننظر لروعه ماسطرت لنا لا يسعنا الا ان نقول سلم لنا ذوقك الراقي في الطرح قصيده جدا رائعه لامست احاسيسنا بكل شفافيه... روعه في التعبير.... بساطه في الكلمات ....بكل صرااااحه ابدعت يالشريف

تسلمين يابنت الاشراف مروورك زادني بهجه وسرور

لاتسألني وانت اصلآ عارف كل اجاباتي

لاتسألني عن الحب اللي احمله يالحنون
مشكور

تسلم