فــــــــــــديتك يايـــــــــــــــــمه.......

ة كتبها شاب عمل حادث سيارة و والدته كانت معه وكان مسرعاً

نتيجة هذا الحادث… الوالدة توفت نتيجة لإصاباتها الخطيرة …

و هذي الأبيات قالها لمن يواسونه وكانت والدته تنصحه بعدم السرعه قبيل الحادث. ... وتحاول هدايته ونصحه وتوجيهه في كل الأمور...

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى الي يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم أصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة الذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

سلمت يدآآكـ يا برنسيسة على الطرح المميز دائماً أشعاركـ متميزة بمعنى الكلمة

وعظم الله أجر الشاب الذي توفت والدته وإن شاء الله تكووون هداية له والله يرحم أمهات المسلمين ويسكنهم في فسيح جانته اللهم آمين ..

مشكووورة يا جووود ..

العفو يالشريف حضورك المميز وردك الرائع شرف ووسام نفتخر به ويعني لنا الكثير فلك كل الشكر

يا عيني يا سعد على العبارات الجميله خخخخخخخ

مشكـــــــــــــــــــــــــوره جود

العفو شرفني مرورك واسعدني جدا ردك